Adreso

La kongresejo estos Emerson Colege, en du konstruaĵoj:

Loĝejo: Colonial Building, Emerson College, 100 Boylston St, Boston MA

Programaĵo: Union Bank Building, Emerson College, 216 Tremont St, Boston MA

Enskribiĝo

Informo pri enskribiĝo baldaŭ venos.

Transportmanieroj

Oni povas rondiri Bostonon aŭ per taksio (aŭ Uber/Lyft), aŭ per metroo aŭ buso.  La urbo ne estas vasta, do trapromeni ĝin povas esti agrable – sed vi bezonos bonan mapon aŭ apon, ĉar la stratplano estas tute neregula.

La Bostona metrosistemo (ofte nomita "la T") estas pli-malpli simpla.  Krom la nova "Silver Line" (Arĝenta Linio; efektive buso, ne metrotrajno), kiu konektas la flughavenon al la stacidomo "South Station", estas kvar linioj:  "Red" (Ruĝa), "Green" (Verda), "Blue" (Blua), kaj "Orange" (Oranĝkolora). La Landa Kongreso okazos apud la kuniĝo de la Oranĝa kaj Verda linioj.

Estas kvar "centraj" stacidomoj: Park Street, State, Downtown Crossing, kaj Government Center.  Oni nomas metrotrajnon "inbound" (enurben) se ĝi iras al unu el ili, kaj "outbound" (elurben) se ĝi iras for.

Informoj pri la metrolinioj haveblas ĉe https://mbta.com.  Indas kontroli https://mbta.com/alerts/subway por sciiĝi, ĉu estas iaj problemoj pri la metrosistemo.

Atingi la kongresejon

Per aviado

Logan International (BOS)

La flughaveno plej proksima al Emerson estas Logan International Airport (BOS) en Bostono.  Por iri al Emerson, prenu la buso "Silver Line" SL1 de antaŭ iu ajn stacio al South Station.  La veturo de la flughaveno estas senpaga kaj daŭras proksimume 20 minutojn.  (La veturo al la flughaveno kostas $2.75.)  Kiam vi atingas South Station, sekvu la "Direktoj de la trajna stacidomo South Station" sube.  (Notu ke ĉi tiu estas malsama ol la busa stacidomo!  Kvankam la SL1 estas buso, tamen ĝi haltas ĉe la trajna stacidomo, ne la busa stacidomo!)

TF Green (PVD)

Vi eble trovos pli malmultekostajn flugojn (ekz. per Southwest) al TF Green Airport (PVD) en Providence.  Por iri al Bostono, vi povas preni la navetan fervojon al South Station.  Ĝi kostas $12 je ĉiu direkto kaj daŭras proksimume horon kaj duonon.  Kiam vi atingas South Station, sekvu la "Direktoj de la trajna stacidomo South Station" sube.  (Notu ke ĉi tiu estas malsama ol la busa stacidomo!)

Per trajno

Masaĉuseco & Rod-Insulo

La MBTA naveta fervojo servas Masaĉuseco kaj Rod-Insulo.  Ĉiuj linioj de la naveta fervojo finas aŭ ĉe North Station aŭ South Station.  La stacioj ne interligas!  Vidu sube por direktoj al Emerson de ĉiu.

La cetero de Usono & Kanado

Amtrak servas kontinentan Usonon, kaj Montréal, Toronto, kaj Vancouver.  La sekvaj linioj haltas en Bostono:

  • Downeaster, servanta suda Nov-Hampŝiro kaj Majno; alvenas ĉe North Station
  • Lake Shore Limited, servanta Albany, Syracuse, Buffalo, Erie, Cleveland, Toledo kaj Chicago; alvenas ĉe South Station
  • Northeast Regional & Acela Express, servanta la okcidenta bordo tiom suda kiom Virginia; alvenas ĉe South Station

Vidu sube por direktoj al Emerson de North Station kaj South Station.  La stacioj ne interligas!

Direktoj de la trajna stacidomo North Station

La plej rekta metodo por iri de la trajna stacidomo North Station al Emerson College estas per metroo (la "T").  En la stacidomo, sekvu signojn al "Green Line Inbound".  (Kiu linio, B/C/D/E, ne gravas.)  Vi bezonos bileton "CharlieTicket" por pagi por la metroa veturo (vidu "Pagi por publika transporto", sube); kostos al vi $2.75.  Prenu la metroon dum kvar haltoj ĝis Boylston St, kaj eliru.  Kiam vi surteriĝos, vi estos ĉe angulo de larĝa parko, Boston Common.  Alfronti la apudan kruciĝon; la aliĝejo estas trans la strato ĉe via dekstra flanko ĉe 100 Boylston.

Direktoj de la trajna stacidomo South Station

(Notu ke la trajna stacidomo estas aparta konstruaĵo de la busa stacidomo!  Mallonga piedvojo ligas la du.)

La plej rekta metodo por iri de la trajna stacidomo South Station al Emerson College estas per marŝado.  La promeno estas proksimume duonan mejlon (1 kilometron) longa.  Trovu la straton Essex; se vi eliras rekte de la kajo, ĝi estas je la dekstra; se vi eliras tra la ĉefa eniro, ĝi estas je la maldekstra.  Sekvu Essex St.  Essex iĝas Boylston; sekvu ĝin ĝis tuj post Tremont St, kie komencas la parko Bostona Komunumo.  La aliĝejo estos ĉe la maldekstro en konstruaĵo 100.

Se marŝado ne estas bona elekto por vi, bonvole informu nin antaŭ de via alveno, kaj komitatano aranĝas ŝofori vin al la aliĝejo de la trajna stacidomo.

Per buso

Bostona regiono

La venonta busoj de MBTA haltas apud Emerson College kaj kursadas dum la horoj de la Kongreso:

  • SL4/SL5, servanta "the South End"
  • 11, servanta "South Boston"
  • 43, servanta "the South End"

Busa servo kostas po $2.00 por veturo kun bileto "CharlieTicket" (vidu "Pagi por publika transporto", sube).

La cetero de Masaĉuseco

Peter Pan provizas busan servon al Bostono de multaj lokoj en Masaĉuseco, inkluzive de la koridoroj de ŝoseoj 90 kaj 91 kaj la Berkŝiroj.  Ĝi ankras ĉe la busa stacidomo de South Station en Bostono; vidu sube por direktoj de tie al Emerson.

Aliaj provizantoj de regiona servo estas trovebla en la sistema mapo de MBTA.

Nordokcidenta Usono

Kelkaj diversaj regionaj busaj servoj provizas nordokcidenta Usona:

  • BoltBus; servanta Philadelphia, New Haven, Newark, kaj NYC
  • GO Bus; servanta Hartford, NYC, kaj Providence
    GO Bus ne ankras ĉe South Station; anstataŭe, prenu ĝin al la haltejo Riverside en Newton, MA.  De tie, prenu la Verda Linio ("Green Line"; $2.75) al la haltejo Boylston St.
  • Lucky Star Bus; servanta NYC
  • Megabus; servanta Baltimore, Burlington, Montpelier, NYC, Philadelphia, Portland (ME), Secaucus, kaj Washington (DC)
  • Peter Pan; servanta Albany, Baltimore, NYC, Philadelphia, Providence, kaj Washington (DC)

Ĉiu super, krom GO Bus, ankras ĉe la busa stacidomo South Station en Bostono; vidu sube por direktoj de tie al Emerson.

Aliaj provizantoj de regiona servo estas trovebla en la sistema mapo de MBTA.

La cetero de Usono / Meksiko / Kanado

Greyhound Lines provizas busan servon trans Usono, Meksiko, kaj Kanado.  Ties Bostona stacio estas la busa stacidomo South Station; vidu sube por direktoj de tie al Emerson.

Direktoj de la busa stacidomo South Station

(Notu ke la busa stacidomo estas aparta konstruaĵo de la trajna stacidomo!  Mallonga piedvojo ligas la du.)

La plej rekta metodo por iri de la busa stacidomo South Station al Emerson College estas per marŝado.  La promeno estas proksimume duonan mejlon (1 kilometron) longa.  Trovu la strato Kneeland, maldekstre de la busa stacidomo, kaj sekvu ĝin ĝis la strato Tremont.  Turnu dekstren ĉe Tremont kaj sekvu ĝin dum unu dombloko; tiam turnu maldekstren sur Essex St.  La aliĝejo estos ĉe la maldekstro en konstruaĵo 100.

Se marŝado ne estas bona elekto por vi, bonvole informu nin antaŭ de via alveno, kaj komitatano aranĝas ŝofori vin al la aliĝejo de la busa stacidomo.

Per aŭto kaj publika transporto kune

Ŝofori en Bostono povas esti maltrankvilegiganta.  Bonŝance, eblas parkumi ĉe la intermodala finstacio Riverside rekte apud I-95, kaj prenu la metroon je la cetero de la vojo.

Se vi venas de loko okcidenta, sekvu I-90 (pagvojon) ĝis elirejo 14 (I-95) kaj sekvu la signojn por I-95 "South" (suden).  Kiam sur I-95 South, restu en la dekstra leno, ĉar vi eliros ĉe la preciza sekva eliro.

Sekvu I-95 ĝis elirejo 22 ("Grove St").  Restu dekstren en la elirejo.  La finstacio Riverside estos je via maldekstro post ¼ mejlo (0.4 km).  Post kiam vi parkumas, vi povas prenu la "Green Line" (Verda Linio; $2.75; ~40 minutoj) ĝis Boylston St.

Parkumado ĉe Riverside kostas po $6 ĉiu labortago, kaj po $3 ĉiu semajnfintago, por totalo de $18 por la daŭro de la Kongreso.

Per aŭto sole

De lokoj okcidentaj

Sekvu I-90 (pagvojo) orienten ĝis al elirejo 22 ("Prudential/Copley Square"; ĉi tiu elirejo estas subtere).  Restu dekstren por Copley Square.  Kiam vi estas surtere, daŭru rekte sur Stuart St dum proksimume duona mejlo (1 km), kaj tiam, turnu maldekstren sur "Charles St South" (ĉi tiu estas granda stratkruco, kie Stuart St ŝanĝiĝas de unu-direkta al du-direkta strato; vi devos esti en la plej maldekstra leno por turni maldekstren) kaj sekvu la direktojn subajn al la garaĝo.

De lokoj nordaj

Sekvu I-93 suden al elirejo 20A ("South Station").  Sekvu "Surface Rd" tra kelkaj stratkrucoj, kaj tiam turnu dekstren sur "Kneeland St".  Sekvu ĉi tiun dum proksimume duona mejlo (0.7 km) ĝis kiam trudiĝas, ke vi turnu dekstren sur "Charles St South".  Faru tiel, kaj tiam, sekvu la direktojn subajn al la garaĝo.

De lokoj sudaj

Sekvu I-95 norden al elirejo 12/"I-93 North" (norden).  Sekvu I-93 norden al elirejo 20 ("Worcester"), sed restu maldekstre en la branĉiĝo, kaj sekvu la signojn por "Chinatown" (ne "Worcester"!).  Turnu maldekstren ĉe la dua stratkruco sur "Kneeland St".  Sekvu ĉi tiun dum proksimume duona mejlo (0.7 km) ĝis kiam trudiĝas, ke vi turnu dekstren sur "Charles St South".  Faru tiel, kaj tiam, sekvu la direktojn subajn al la garaĝo.

Direktoj al la Garaĝo de Bostona Komunumo

Post unu dombloko, vi pasos inter Bostona Komunumo ("Boston Common") kaj la Bostonaj Publikaj Ĝardenoj ("Boston Public Gardens"); la enirejo de la garaĝo estas subtere ĉe la dekstro.  (Se vi maltrafas la enirejon, vi povas cirklumi ĉirkaŭ aŭ la Ĝardenoj (maldekstre) aŭ Komunumo (dekstre) kaj klopodu denove.)  Parkumi semajnfine kostas po $18 ĉiu tago, kaj vi povas rezervi ĝin interrete.  Emerson alfrontas la sudorientan angulon de la Komunumo.

Pagi por publika transporto

Por uzi metroon aŭ buson, vi bezonos aĉeti "CharlieTicket"-on kaj aldoni monon al ĝi.  Estas bilet-maŝinoj ĉe ĉiu metrostacio, kaj ĉe la flughaveno, kie vi povos aĉeti bileton per kontanta mono aŭ kreditkarto.

Metroveturo kostas $2.75, kaj busveturo $2.00, do indas kalkuli, kiom da fojoj vi bezonos aŭ volos uzi la metroon, kiam vi aĉetas bileton.  Ankaŭ eblas simple aĉeti septagan pasbileton kontraŭ $21.25, kiu sufiĉos por semajno de vojaĝado.  Transigi inter metroaj linioj estas senpage, sed transigi al aŭ de busoj ne estas tiel.

La Argenta Linio ("Silver Line") estas senpage, enirante el la flughaveno, kaj kostas $2.00 alie.

Speciala helpo

Se vi volas, ke oni gvidu vin de la flughaveno per publika transporto, aŭ se vi havas specialajn veturajn bezonojn, bonvolu kontakti nin.

Se vi bezonas pli urĝan helpon, telefonu la Bostona Landa-Kongresa Rektaŝnuro ĉe +1-XXX-XXX-XXXX, kaj unu el la organizantoj respondos.

Mapoj