Postkongresa tendumado

Ni okazigos postkongresan tendumadon en fama nacia parko Mount Rainier de la 16-a ĝis la 19-a de Julio. Tio ĉi estas bonega oportuno plilongigi vian tempon en Esperantujo kaj vidi ne nur la urbon sed ankaŭ la belegan naturon de ĉi tiu parto de la mondo.

Ni tendumos en la tendejaro Cougar Rock, proks. 2 horojn for de la kongresejo aŭte (temas pri 160 km aŭ 100 mejloj). La tendejaro situas 970 m (3180 futojn) super la marnivelo. Someroj en la parko estas sekaj kaj malvarmetaj, kun temperaturoj ĝenerale inter 15-27°C (60-80°F). La vetero en la parko tamen povas varii, do vizitantoj venu pretaj.

Ni havos grupan tendejon kun trinkebla akvo, akvopelaj necesejoj kaj pikniktabloj. Somere la parko prezentas multajn oportunojn marŝi, rokogrimpi kaj vidi naturajn vidindaĵojn kiel arbaroj, akvofaloj kaj floroj. La tendejaro havas ankaŭ amfiteatron, kie oni prezentas informajn programojn.

Se vi alvenos aviadile (aŭ se vi simple malofte tendumas), ni povos helpi vin pruntepreni, lui aŭ alimaniere akiri la bezonatajn ekipaĵojn por la sperto. Ni ankaŭ organizos kunveturadon al kaj de la tendejaro kaj bonvenigas vian helpon pri tio.

Tiu ĉi evento estas aparta de la kongreso kaj havas propran aliĝprocedon. Interesatoj legu kaj plenigu la aliĝilon. La usona Naciparka Servo havas pliajn informojn pri la tendejaro en la angla.

Aliĝintoj

Jam aliĝis la jenaj 14 personoj:

  • Gary Anderson
  • Simono Barney
  • Anna Burenius
  • Tomio Frejarö
  • Arlyn Kerr
  • Les Kerr
  • Leono Kimbro
  • Hendjo Lönngren
  • Måns Palmstierna
  • Amanda Higley Schmidt
  • Autumn Schmidt
  • Danielle Schmidt
  • Chuck Smith
  • Nikvo Woods

Laste ĝisdatigita: 8 Julio

Fotis Joe Mabel/CC-BY-SA 3.0