Hejmo

Konstruado kaj ĝuado de Esperanta komunumo – kun speciala gasto Chuck Smith!

Chuck Smith

Kuniĝu kun Esperanto-USA kaj Kanada Esperanto-Asocio ĉi-somere dum ni unuiĝinte festas la internacian lingvon. Temas pri speciala landa kongreso por lernantoj kaj parolantoj de Esperanto de ĉie en Usono kaj Kanado. Ni renkontiĝos ĉe Seattle Pacific University (Seatla Pacifika Universitato) en sunbrila Seatlo, Vaŝingtonio, Usono, de vespere vendredon, 13-an julio, ĝis tagmeze lundon, 16-an julio.

Ni ĝojas anonci, ke Chuck Smith faros ĉefprelegon pri la kongresa temo, “Konstruado kaj ĝuado de Esperanta komunumo”. Kiel la kunkreinto de la Esperanta kurso de Duolingo kaj la saĝtelefona aplikaĵo Amikumu, Chuck nun estas inter la plej konataj figuroj en Esperantujo. En tiuj kaj aliaj entreprenoj, li enkorpigis la spiriton de la internacia lingvo, uzante ĝin por kunigi homojn.

Ni ankaŭ plaĉe anoncas, ke Federico Gobbo, profesoro de interlingvistiko kaj Esperantologio, rolos kiel nia bankedo-preleganto, kaj krome prelegos pri siaj propraj spertoj.

Novuloj legu pri tio, kio okazas ĉe Esperanta kongreso por pli bone kompreni, kion atendi. La horaro havas programerojn por komencantoj kaj spertaj parolantoj, kaj inkluzivas prelegojn kaj interagaĵojn.

Rezervu la datojn por pliaj eventoj!

16-19 julio: Okazos postkongresa tendumado en nacia parko Mount Rainier. Nun eblas aliĝi; vidu tiun paĝon por detaloj.

Restu informata

Por informiĝi pri novaĵoj, aliĝu al la Fejsbuka okazaĵo aŭ la Telegrama grupo, aŭ sekvu Esperanto-USA ĉe FejsbukoTvitero.

Esperanto?

Esperanto lastatempe estas pli populara, sed multaj lernantoj scias malmulte pri ĝi. Eksciu pli pri Esperanto ĉi tie.

Aliĝo

Vi povos aliĝi surloke, alportante plenigitan formularon aŭ plenigante ĝin tie. Por ricevi rabaton, aliĝu al E-USAKEA. Se vi ne havas sufiĉe da mono por la kotizo, vi povas peti stipendion.